關楚耀開騷有歌神撐腰

歌手關楚耀（Kelvin）昨日到電台接受梁泰來及楊崢訪問，下月即將開騷的他透露獲「神」眷顧，邀得歌神張學友任嘉賓。Kelvin說：「由於今次嘅演唱會選唱咗啲經典歌曲，包括有學友，我就膽粗粗第一次打畀學友，希望佢當晚可以上台一齊jam歌，點知佢一口應承，淨係話最好唔好太夜，我真係好開心。」Kelvin坦言初時擔心被學友請「食檸檬」，又不知怎樣稱呼對方：「我緊張到連尊稱學友哥定係Jacky都煩咗一陣，最後叫學友哥嗰時，學友就話『叫我Uncle啦，由細睇到你大』。」