張智霖磨拳擦掌等跌市掃磚頭
「Cool魔」張智霖（Chilam）近日人氣和吸金力飆升，日前更被《好報》大爆與太太袁詠儀（靚靚），到渣甸山睇市值2.2億元的豪宅，豪擲逾百萬購入名車後，再到銅鑼灣試新車！Chilam昨日直認有意入市：「聽朋友講下年樓市會跌，我係傳統男人，買磚頭比較實際。」
憑劇集《衝上雲霄II》再度人氣急升的「Cool魔」張智霖，最近獲電影公司老闆蕭定一以八位數加筍爆條件力邀加盟，吸金力特強的他向來投資有道，日前更被《好報》獨家踢爆無懼政府辣招，偕太太袁詠儀相約地產經紀，前往渣甸山布思道獨立屋實地視察。
「人生乜都要試吓」
屬名貴地段的渣甸山，是不少城中名人及富豪的居所，而Chilam所睇中的獨立屋，據知建築面積約4,400平方呎，包括五房、天台連車位，市值高達2.2億元。身為「車迷」的Chilam，近日又先後被拍得到陳列室，試百萬新車CLK45 Benz及SL500 Benz，據知他已購入過百萬的CLK45 Benz，更對被慫恿一試的SL500 Benz甚感興趣。
本報昨致電Chilam問及睇樓一事，Chilam即笑道：「咁都畀你哋識穿、見到？其實我係個好傳統嘅男人，所以我覺得投資買磚頭真係比較實際，尤其聽朋友講下年樓市會跌，咁咪諗住做定啲功課，睇下出年有冇機會入市囉。」問他是否打算搬屋？他說：「睇啱先再算啦。」至於是否打算再買新車SL500 Benz？他說：「試啫，人生乜都要試吓。」
傳陳國強洽購合約
另有指無綫老闆陳國強有意出高價，向蕭定一要求轉售Chilam的經理人合約，無綫外事部副總監曾醒明昨於活動回應：「據知佢一早名花有主，如果佢已經成為一間公司旗下藝人的話，嚟緊嘅日子同TVB合作我哋都歡迎，呢幾年佢同TVB合作無間，啲劇集成績都好突出，合作愉快。（同蕭定一買合約？）未有呢個聽聞。」蕭定一則表示聽過無綫有意簽Chilam的傳聞，但透露未有人找他。
文：影視組