早前自殺不遂的已故天王米高積遜（Michael Jackson,MJ）女兒巴莉絲（Paris），出院後首批照片流出，還一改以往壞形象，但其母對照片曝光「嬲到震」，誓要告到爆料人「甩褲」！
MJ女兒巴莉絲六月初割脈兼服藥自殺不遂，出院後入讀猶他州寄宿學校的首批照片終於曝光，照片由八卦網站Radaronline第一手發放，其中一張更在Twitter流傳。照片中，巴莉絲身穿藍色短袖T恤和深色長裙，染上一頭紅色頭髮，一改以往的Rock女形象，滿面笑容出席上月18日的畢業典禮。她似乎已忘記不愉快經歷，還與同學扮鬼臉合照。
有校內人爆料指，巴莉絲當日手上戴有手鈪，用來遮掩手腕上的疤痕，在校內還會用假名「Frankie」示人：「雖然佢染咗頭髮，有啲同學都知道佢係邊個，不過大部分人都唔知，以為佢只係來自洛杉磯一個叫Frankie嘅女仔。」據悉，此校舍是供問題少女入住作治療之用，學費高達每月14000美元（約10萬8500港元），每間宿舍最多可入住10名少女，而且有舍長看守。校舍如其他學校一樣提供課程給學生修讀，而且學生每日均需要進行分組及個人治療。
巴莉絲雖已回復狀態，但其生母黛比（Debbie Rowe）對女兒的照片外洩感到非常氣憤，還計劃控告出售照片和資料賺錢的「二五仔」。此外，MJ弟弟蘭迪（Randy）在網上留言表示不滿巴莉絲被關進精神病院，他此舉亦辣慶「巴媽」，黛比直言蘭迪被誤導，更不知道自己講甚麼。
文：外娛組