Ana R.為婆媳關係鋪路

名模Ana R.、Rosemary昨日齊齊為「第32屆香港鐘表展記者會」擔任模特兒，她們都為了模特兒好友Cara G.懷孕一事而感興奮，Rosemary更笑言一定要買可愛的BB衫送對方。問到她們身邊的模特兒好友都紛紛結婚生仔，可會感到壓力？Rosemary回應：「唔會有壓力。我同男友Jason一步一步嚟，唔急嘅，結婚只係時間問題。」

跟亞洲人習俗

而Ana亦表示每個人都有不同的人生階段，自己與男友Brad暫未有結婚計劃。但她卻透露將於星期六與男友出發到英國，首次見對方家長！她坦言自己非常緊張，並會買禮物送給對方的家人。她笑言：「因為我媽媽係韓國人，喺韓國習俗裏面，同男友屋企人第一次見面，一定要買禮物送畀佢哋。我媽媽係咁叮囑我一定要買禮物，提我千祈唔好買漏，但係我男朋友係西方人，冇呢啲習俗，佢係咁叫我唔好買。不過我都係會跟番亞洲人嘅習俗，買禮物畀佢哋。」

Rosemary與男友感情穩定，不急於結婚生仔。

鄺美雲笑言要有自己空間。

Cally拒同居

另外，同場的鄺美雲（Cally）透露為自家品牌設計手錶，問到她可會為自己及男朋友林達民設計情侶錶？她笑說：「冇，未見過佢戴鑽石錶，多數係戴運動型嘅手錶。（會唔會着情侶衫？）唔會特別諗。」另外，她透露男友剛搬家，更與自己的家只相距十分鐘車程。問她何不嘗試同居？她說：「了解吓先。而且我有養狗，有自己空間好啲。」她透露中秋節將與男友及對方的家人吃飯，並順道慶祝新居入伙。

文：名人組