鄧佩儀停學來港 孤軍闖娛圈

應屆國際中華小姐冠軍鄧佩儀（Gloria）在溫哥華修讀市場學，尚有一年才大學畢業，但她覺得加入娛樂圈機會難得，與家人及學校商量後決定暫停學業，隻身由溫哥華來港發展。

家人初時擔心

Gloria說：「自己細個好鍾意韓星，但係從來冇發明星夢，冇諗過入行，直到參加華姐就鍾意咗喺舞台表演。自己未試過對一樣嘢咁鍾意，感覺自己好有力量，同學校商量過，十年內讀埋嗰一年就可以畢業，所以畀個機會自己試吓。」

鄧佩儀想拍古裝劇，希望能與馬國明合作。

只有二十歲的鄧佩儀有兩次選美經驗。（資料圖片）

外間認為娛樂圈是大染缸，Gloria坦言家人初時會擔心：「媽咪有少少擔心，但攞咗兩個選美冠軍之後，媽咪都覺得我成熟咗好多，同埋香港都有親戚喺度，所以佢哋都放心嘅。」來港生活已有過多月，問她可適應香港急速節奏？她說：「自己鍾意熱鬧，感覺都OK，香港又有我好鍾意嘅奶茶、蛋撻呢。」

操流利廣東話

每年華姐選舉都為無綫注入新血，無疑競爭大，不過Gloria的優勢是識講流利廣東話。問可覺得競爭激烈﹖她說：「我又冇諗咁長遠，自己覺得贏咗華姐已經賺咗好多，將來發展無論係點都係有賺，如果冇參加選美，可能我畢業後會去做文職，同依家好大分別，所以都唔諗咁多盡全力去做。」

文：影視組

攝：沈健程

服裝：Penny Black

場地：EL CID 西班牙餐廳（銅鑼灣）