卓韻芝回正軌不玩浮誇
今年忙於籌備新書、執導電影的才女卓韻芝（阿芝），可真百足咁多爪，去年主持電視節目及開棟篤笑騷曾大玩浮誇時裝，阿芝因為玩fashion更認識一班同道中人，即使今年已回歸正常，但她亦身體力行現身撐好友開店。
曾好一段時間眼上都有標誌性兩點的阿芝，去年尾突然重回正軌，眼睛上不但沒有兩點，更戴上眼鏡兼素顏上陣自拍擺上網，而最吸引觀眾眼球的便是其甚少曝光的「事業線」，相片一出後即獲得一眾網民盛讚，隨即升呢做女神。形象一百八十度大轉變的阿芝表示自己從來不追逐潮流，更言喜歡着已過時的衫：「好怕被人覺得因為潮流興所以擺上身，就算當季買咗啲衫，都擺多兩季先拎出嚟着。」
不會固定形象
去年為了自己的幕前誇張造型，阿芝匯集了一班城中潮人成立「G Team」，實行為自己設計造型，眾人更因此成為好友。適逢日前是其中兩位好友RubyGloom及Kenny的crossover品牌ADARDA×RUBYGLOOM開幕派對，阿芝便帶同一班teammate現身撐場。問到阿芝為何沒有再走誇張服裝路線，她說：「上年係玩得好誇，但做電影就唔會玩得咁癲。而我都唔滿足於一個特定形象嘅自己！」
嘆女演員缺乏
對於演員陳靜（DaDa）宣布引退幕前一事，身為導演的阿芝慨嘆香港女演員嚴重不足，希望DaDa能回心轉意重回電影界。她亦慶幸自己未有遇過同類事件：「電影唔係個人工作，係team work，帶畀團隊同幕後好多額外工作。」
文、攝：戴玉霖