張名雅興奮行街有人識

張名雅自去年參選港姐得冠軍後，立志在娛圈發展！現時名雅即將卸任，她也很期待接受不同新挑戰，如拍劇、做主持等！一年過去，名雅亦由師妹搖身一變成為師姐，問到她有何貼士給新一屆的佳麗，她說：「既然入到圍，就要盡力去Enjoy比賽，唔好畀咁大壓力自己！好多時關於比賽嘅負面報道唔係事實嘅全部，所以唔好太介懷！」

雖然名雅入行只得一年，但每當她行街，都會被路上認出，令她興奮莫名，而她又笑言曾有路人為了認出她而輸賭，令她哭笑不得，她說：「有次我同屋企人行街，有啲路人喺度輸賭我究竟係咪張名雅，我聽到之後覺得好得意，跟住我就走到佢哋面前同佢哋Say Hi！同埋都有好多小朋友認得我，有時佢哋會怕羞問我，可唔可以同佢哋影相，跟住就會問番佢哋知唔知我個名，然後佢哋又真係講得出，都令我幾驚喜！」

睇好鄭俊弘

提到早前參與的歌唱節目《星夢傳奇》，名雅雖然在第一集慘敗被Out，不過她仍感激可一嘗踏上星夢舞台的滋味，又說：「其實呢個機會係好值得，因為有評判可以畀評語我，所以已經係賺咗，又可以畀我改進！」而問到她看好哪一位參賽者？名雅說：「喺面試時，已經覺得Fred（鄭俊弘）唱得好好，佢自彈自唱英文歌，仲唱得好抒情，所以當時已經覺得佢一定會入圍！」

攝：秦健輝

服裝：Manila grace

文：專案組