熊黛林放電為份工
「前城嫂」熊黛林（Lynn）早前有傳因與大陸影星陳昊拍廣告撻着，她日前出席活動時，就否認緋聞，她向ontv透露：「我喺廣告要做到好妖艷，要好似好仰慕嗰位男士（陳昊）咁，呢個係工作一部分，要投入先做得好。」她又稱二人只接觸了數小時，之後並沒有聯絡。
Lynn揚言自己零緋聞，更自言每次拍拖都以結婚為前提，她感慨地說：「希望之後有緋聞都係真嘅，我次次拍拖都好認真，每次都朝住結婚呢個方向，但未必次次對方都啱一齊行到最後。」提到城城的新緋聞女友葉熙祺，Lynn則不作回應。另外，她又透露下半年將會拍攝兩部電影，故早前爭取時間與好友到泰國玩了一星期。