蔣家旻戀馬志威 當正英雄
影壇新人蔣家旻（Angel）日前偕新片拍檔馬志威（Edward）接受《娛樂onShow》訪問時，大談拍攝浪漫史，她透露因Edward一幕「英雄救美」而「愛上」對方，而曾扮演多位女星的少年角色的Angel，又自言是佘詩曼及鄧萃雯的混合體，夠硬朗又愛做戲！
Angel與拍檔Edward日前獲邀擔任《娛樂onShow》嘉賓，在主持人俞詠文（Angela）的「盤問」下，Angel大爆曾因Edward一幕「英雄救美」而愛上對方：「我覺得有一刻鍾意咗戲中嘅Edward，因為有一幕我要着住高踭鞋跑街搵佢，點知拍拍吓，我真係扭傷咗隻腳，導演一嗌cut，佢就即刻衝過嚟扶我起身，真係好hero！」而在旁的Edward聽罷即爆笑地說：「優點唔好講！」
兩人又分享其新片涉及男女關係與被迫接客等內容感受，他們均大方表示不介意現實中的伴侶並非向自己獻出「第一次」，Edward說：「唔係第一次我就唔係好介意，但我會介意生活中嘅女朋友走去做嗰啲嘢（接客）。」而Angel亦謂：「冇得介唔介意，依家社會風氣唔同，最緊要另一半對自己忠心同專一。」
最似阿佘雯女
此外，拍攝電視劇經驗豐富的Angel，曾在多套劇集飾演「少年版」田蕊妮、佘詩曼、鄧萃雯、羅蘭等角色，當主持人Angela要她「自選」心目中最似的女星時，她自覺是佘詩曼和鄧萃雯的混合體：「其實雯女有話過我似佢，佢話我同佢細個嘅演繹方式好似，我覺得雯女做戲好叻，同時我亦都好醉心演戲，細細個就已經好希望大個咗可以做演員，所以我諗對演戲嘅熱愛同佢有啲似！而我亦都覺得同阿佘嘅硬朗性格幾似。」
文：專案組