黃日華否認拉攏三哥過檔

已過檔香港電視的藝人黃日華、唐寧及鮑起靜，昨日於大窩口拍攝新劇《歲月樓情》外景，有報道指黃日華做中間人，拉攏好兄弟三哥苗僑偉過檔香港電視，他例牌否認及表示：「有一晚收工，我老婆揸住本雜誌問我『乜三哥過檔咩？』，連我自己都唔知呀！」他表示過唔過檔為個人決定，強調冇做中間人。又透露老闆王維基最近「面口好咗」，對發牌感樂觀。