脹爆JW捱扑險破相

JW被指發福，表示正跟私人教練健身。

黎明新寵JW前晚以低胸連身短裙出席新歌MV首播，吸引半百歌迷到場支持，大會找來三名歌迷上台玩遊戲，要求她們模仿偶像在MV中的情節，期間有女歌迷為勝出突然將雨傘拋高，最抵死的是沒有即時接回雨傘，由於JW剛巧企在女歌迷身邊，當雨傘降下時慘被扑頭，醒目的JW及時轉身走人，力保靚樣未有「破相」。

澄清衞蘭冇被雪藏

由於JW比早前所見發福　被取笑脹爆，JW說：「每星期有兩、三日跟私人教練健身，佢好專業，我想有番啲線條。（公司勒令減肥？）冇，只係自己想Keep住。」甚少舉行宣傳活動的JW被問到師姐衞蘭是否遭公司雪藏？JW說：「絕對冇咁嘅事，佢啱啱同個男歌手合唱，首歌都播得好好，總之冇咁嘅事。」

JW與歌迷玩遊戲，險被飛遮扑中頭。

放大圖片

JW透露將為電影《喜愛夜蒲3》獻唱主題曲，問到為何不參演一角？JW說：「暫時未夠膽。（性感底線？）件衫好靚冇所謂，不過露點、凸點都唔好喇，要遮嘅位置遮到就冇問題，健康性感啦。」對於MV中與男主角有親熱戲，JW說：「錫面珠啫，無可能第一次就畀晒大家睇。」

文：音樂組