江若琳遊馬國探「老公」班
演員江若琳大半年內埋頭苦幹，最近終於完成手頭上的工作，隨後出發到馬來西亞旅行充電四日三夜，猶如「放監」的她不停吃喝玩樂，還趁機到雲頂賭場搏一舖，可惜最終未有斬獲：「之前做嘢壓力太大搞到我唔想食嘢，今次成個人放鬆晒，特別係有得去按摩鬆弛神經，終於可以瞓餐好覺，不過係賭場輸錢就好肉痛啊，我全程好緊張同朋友商量買咩，今次當小賭怡情啦﹗」
Elanne此行還趁機去探「老公」阿牛班，秘密到達片廠給對方一個意外驚喜，誰知阿牛見到「老婆」就立即被扭耳仔，Elanne一臉得戚解釋道：「佢之前背住我，靜雞雞同鄭欣宜拍咀戲！」難怪阿牛心虛甘願被罰啦！