袁詠儀靠Cool魔趕退休

袁詠儀、吳君如和郭晉安，昨日與一班小朋友出席麥當奴活動。袁詠儀在活動上心情大靚，談到丈夫張智霖近期憑劇集《衝上雲霄II》熱爆，她亦難掩興奮之情說：「係呀，年輕退休又有錢嘅計劃又豪邁進一大步嘞。（依家都得啦。）依家係興趣囉，工作好有熱誠嘛。但之後可以會再揀擇一點，可能有啲地方唔想去嘅，就真係唔去嘞。睇到老公事業成功都好開心，但自己發展條件都有限，好難再去做啲o靚妹仔，唔好勉強自己做啲唔討好角色。」

古天樂陳妍希合作

快將生日的她被問到想收丈夫的甚麼禮物，她卻揭開鮮為人知一面，她說：「老公對我好啲得o架嘞。佢同個仔一齊乖啲已經係最好禮物。佢哋成日夾埋激我、整蠱我，佢成日叫個仔唔好講畀我聽、唔好同我玩，我喺屋企被受冷落o架。（追女？）老公話無用，生多個女都係跟佢，叫我唔好諗咁多，順其自然。」

張智霖撇妻兒行街，見記者親切揮手。

張智霖行街引來不少途人目光。

同場吳君如透露《金雞3》最快年底開工，演員方面邀請了張家輝、梁家輝、古天樂、鄭中基和陳妍希等人，她指陳妍希的演出不關古天樂事，暫時二人未有同場戲份，亦不會阻礙創作自由。另郭晉安的兒子郭令山設計了一張枱和兩張櫈作慈善拍賣，最終共籌得八萬一千元。

張智霖單拖逛名店

此外「Cool魔」張智霖前日傍晚六時許撇下妻兒，獨自前往銅鑼灣行街，步往老友沈嘉偉旗下的名店揀選新裝，逗留約十五分鐘卻兩手空空步出，沿途離開時他更引來不少途人目光，急步過馬路的他發現記者在場，即笑笑口揮手打招呼，之後便往取車返歸。

文：影視組