女子組合AOA成員大Ann昨日現身新城電台宣傳新歌，因細Ann要為電影開工未同行。這對孖女經常發生心有靈犀事件，像日前細Ann拍出海戲暈船浪，在家中的大Ann亦感不適。至於兩人樣貌相似很難分辨，可試過互相頂替？大Ann笑言：「真係試過o架，有次我做司儀期間唔舒服，下半場就由細孖頂上，但都冇人發現。細個時我哋拍廣告，一個唔得閒，另一個嚟拍，當然都係收一個人價錢啦。」
