張家輝計準感動位遞紙巾
影帝張家輝、導演林超賢及歐錦棠等前晚出席電影《激戰》慶功宴，公布該片上映首日票房逾148萬，成功擊敗《西遊．降魔篇》和《一代宗師》。截至上周四為止，更成為今年香港開畫票房冠軍，而優先場也達200多萬。心情靚爆的家輝笑稱興奮又緊張：「呢套係我擔正以嚟最好嘅作品，正式上映後都收200幾萬一日，好片好票房。」
彭于晏要裸跑
提到《激》片被視為影展奪獎大熱，家輝指獎項與錢都無法預料，觀眾喜歡便滿足。問該片會否參展？家輝笑道：「導演話想參加奧斯卡外語片，係咪火星新增獎？睇下發行商點啦。」
問到家輝會否和同片演員再慶功？他說：「好想搞多次，彭于晏keep緊身，佢一定要裸跑，我幫佢管理人群同計時，最多我搵盧覓雪跳舞。」家輝又透露曾與太太關詠荷蒙面入戲院，又計準感動位向對方遞紙巾，席間其大隻造型更遭女觀眾話黐線。對於早前指家輝患抑鬱症，他笑言與太太一笑置至。
文：影視組