鍾麗緹多人追感情隨緣
性感女星鍾麗緹（Christy）在大陸發展理想，最近有意返港再大展拳腳，邀得相識多年好友周美鳳擔任其經理人為她接洽香港工作。周美鳳稱與Christy合作多次，已建立信任關係。她又透露Christy將於中港台不停飛：「Christy除咗為大陸舉行嘅模特兒大賽擔任批評外，九月初又要到台灣拍電影。佢一直好掛住香港，希望返嚟發展。」
Christy雖然婚姻失敗，但有女萬事足，她說：「我覺得依家人生好美滿，有小朋友喺身邊就唔會寂寞，不過都有追求者，感情事交畀神安排。」另外，最近網上流傳Christy早年接受外國傳媒專訪片段，她被要求做出女性高潮的叫床聲，毫無顧忌的她專業地演繹四種叫法。