霆鋒兩老探班月餅冧發哥

影帝周潤發對後輩謝霆鋒一直愛護有加，曾在金像獎頒獎禮舞台公開表示睇好對方，最近兩人合作王晶新片《賭城風雲》，記者會當日發哥笑言曾受霆鋒父母「四哥」謝賢及狄波拉不少恩惠，一定會好好「整蠱」霆鋒，相當搞笑！事實上，發哥曾分別與四哥、拉姑合作拍劇而成好友，故此發哥愛錫霆鋒不無道理。

霆鋒繼續Chok

昨日劇組包起尖沙咀洲際酒店宴會廳十多小時，拍攝一場重要人物生日戲份。約下午一時，飾演發哥徒弟的沈震軒、許紹雄及姜皓文到場，剛從北京返港的杜汶澤行李依然跟身，Chok慣的霆鋒則戴上黑超，繼續不苟言笑勁Cool。此時酒店開始圍起鐵馬隔開記者，並安排發哥於側門內進，大批記者發現後即衝上前拍照，發哥匆匆揮手後便入會場。其後導演王晶及監製劉偉強到場。問可否請發哥再拍照？王晶笑說：「咁我都冇辦法喇！」至約下午三時，王晶獨自離開。

周潤發（箭嘴示）被工作人員包圍，從酒店側門進入。

坐勞斯萊斯抵達的謝賢由霆鋒助手陪同探班。

謝賢自稱客串

約下午四時，拉姑及現任丈夫鬍鬚Kong前來探班，並手持多盒月餅。問是否送給霆鋒？她笑說：「做阿媽係做呢啲嘢o架啦！（發哥話受過你恩惠。）互相有恩惠啦！」十五分鐘後，穿西裝的四哥坐勞斯萊斯到場，期間與拉姑及鬍鬚Kong到大堂High Tea。至晚上七時，三人才離開酒店。問到有否跟發哥敍舊？四哥笑而不語。再追問有否客串演出時，他即搞Gag說：「有呀！拍咗好多，拍咗一日喇！（停低講多幾句。）下次先！傾咁多做乜？」據知，四哥在場內滿場飛，並與發哥敍舊聊天，但並沒有客串一角。拉姑則出動「月餅戰術」氹發哥，希望對方好好錫住霆鋒。

另外，導演王晶昨晨十時多現身養和醫院，他透露前來睇眼。

文：影視組