Cara G.意外佗B三個月
Cara G.和老公Jesper今年三月尾才結婚，短短五個月，兩口子昨日在公開活動上卻宣布Cara已懷孕三個月！對於火速造人成功，Cara笑言感意外，因老公之前一直在外地工作，期間只見過一次面，怎料「一擊即中」，難怪Cara笑老公趁工作期間養精蓄銳！
混血名模Cara G.和老公Jesper昨日擔任《SHISEIDO專門店開幕典禮》嘉賓，其他嘉賓包括名模姚書軼、Jocelyn夫婦等，而身穿白色長裙的Cara就肚凸凸，甫見記者即表示有事要宣布：「我有咗三個月BB啦，佢係香港製造。」Cara表示懷孕令她感到驚喜，因為老公之前一直在外地工作，期間二人只見過一次面，笑言今次是「一擊即中」：「老公儲咗好多能量，所以試一次就得咗！」
Cara被問到喜歡仔定女？她表示沒有所謂，但就有預感今胎是女。如果真的是女，怕不怕她長得太美而多男仔追？Jesper即搞笑搶答：「個女係我o架！」問如果是仔，會否跟好友Lisa S.的女兒Raven對親家？Cara笑稱這是好提議。
李嘉欣練腹肌
同場的大美人李嘉欣就擔任剪綵嘉賓，明顯消瘦不少的她解釋自己正在做半空瑜伽，希望練出腹肌。提到有報道指她與老公月前去了歐遊，並把兒子交給家姐照顧而不讓奶奶湊，嘉欣否認歐遊回來：「囝囝畀人影到嗰日我喺屋企。（如果去旅行個仔畀邊個湊？）次次旅行佢都跟我去。」
李嘉欣又踢爆奶奶「麻麻哋」湊孫：「佢成日同我講：『見你咁辛苦，我以前湊仔就係咁！』（佢唔鍾意湊孫？）你話呢？辛苦過一次，仲會唔會多一次呀？（你同奶奶關係差？）唉，太過倫理，我覺得係笑話一則。（奶奶成日畀人講到好惡咁，會唔會唔開心？）咁佢表情係咁，係嚴肅啲。」
文：名人組