(20)陳偉琪總動員闔家種票
候選港姐(20)陳偉琪早前獲大批親友在宣傳活動上「種票」支持，撼低大熱佳麗(17)陳凱琳奪「現場最受歡迎佳麗」獎，陳偉琪揚言會繼續發動親友「種票」，在星期日舉行的準決賽投票支持自己。
《2013香港小姐競選準決賽》將於星期日舉行，取消去年「一人一票」選港姐制度，十位入圍決賽的佳麗有五位由觀眾投票選出，其餘五位則由「星級選民」鄭裕玲、曾志偉、陳百祥、李克勤及大會籌委會成員選出。昨日二十位候選佳麗在尖沙咀某酒店會見「星級選民」。
陳凱琳否認有養父
(20)陳偉琪早前到荃灣出席宣傳活時，動員大批親友撐場，最後撼抵大熱佳麗(17)陳凱琳奪得「現場最受歡迎佳麗」獎項。問陳偉琪會否在準決賽繼續發動親友拉票？她說：「都會叫親戚朋友投票，喺香港就唔係咁多朋友，但係相信親戚都會投我一票。」但她認為動員親友投票其實沒有着數：「每個人都有親戚，反而自己冇咁着數，我好多親友都喺外國。」
陳凱琳則稱不會發動親友「種票」，因朋友多數在加拿大沒有香港身份證不能投票。問可覺得會輸蝕給陳偉琪？陳凱琳說：「唔會，佢都有實力嘅，有家人支持都係好嘅。」提到有讀者爆料指陳凱琳有一位養父，她否認其事。
克勤：依家食穀種
另外，李克勤兩名兒子昨日開學，他自爆有傳媒在校門追訪乖仔被嚇親：「尋日有記者喺學校門口影相，我懇請、跪請大家影相離遠少少、唔好用閃光燈，畀條生路行吓。我都係叫其他家長幫我接放學，希望佢哋可以低調做個學生。」他又謂當年做港姐外景嘉賓時沒有狗仔隊，否則也認識不到老婆盧淑儀。他說：「以前日頭拍嘢，夜晚可以成班人坐低飲杯嘢，依家就食穀種啦！」
爆料熱線：3600 1022
爆料傳真：3600 1000
爆料email： entertainment@opg.com.hk
文：影視組