汪詩詩唔想整死老公

甄子丹太太汪詩詩昨日與表妹湛琪清一同出席護膚品牌活動，詩詩被問到有雜誌拍得她一家人日前齊齊逛家具店，指她是為其價值1.35億的新堡壘添置貴價家具，詩詩表示有留意報道，但內容不是完全正確：「嗰日係幫媽咪睇梳化，佢張梳化畀小朋友跳爛咗。（話你買41萬梳化椅？）唔係，從細到大媽咪都教我應使得使，依家出街食剩嘢都會打包。」但詩詩直認新居的確價值1.35億，是與老公聯名投資的物業，目的為小朋友將來作打算。至於會否再各買一間豪宅給子女？她說：「唔會，唔想整死我老公！依家好努力供樓。」