貴為國際巨星的湯告魯斯（Tom Cruise），每次拍新片都有專人服侍，日前被踢爆有一特殊癖好，每逢拍動作場面都指定着特製T-Back，自覺年紀不小的靚佬湯，為「揮灑自如」仲要準備定50條！
日前有劇組人員爆料指靚佬湯每次拍戲，都有私人服裝團隊為他準備戲服，假如戲中有特技及動作場面的話，靚佬湯會要求工作人員為他預備特製T-Back，仲要整足50條，好讓他每日替換。
據悉靚佬湯多年前已有這習慣，一開始還會感到尷尬，工作人員亦會在背後取笑他，但靚佬湯自知年紀已不小，演繹動作場面時，難免不夠揮灑自如，奈何他幾乎每部戲都有動作場面，若穿上用料舒適及富彈性的T-Back，可以改善其靈活度，打得更流暢。
畢佬被嫌 未夠班
另一邊廂，靚佬湯好友畢彼特（Brad Pitt）被指有意與位於洛杉磯的當代藝術博物館（Museum of Contemporary）合作但被拒絕，對方認為畢佬雖然有Heart但「唔夠班」，兼且沒有大學學位，未達到藝術層次。
文：外娛組