仙樂都晒job 寸爆「新城嫂」

近日被爆出借做facial「攻城」的仙樂都，接受記者電話訪問時，坦言未有因緋聞而「升呢」，更撇清關係說：「冇人因為咁（『攻城』）搵我，因為依家嘅job係上個月接落，但我絕對唔會加價，我又唔係『城嫂』，普通朋友啫！佢（郭富城）好好人，年中幫咁多人，未必記得我，我哋真係好耐好耐冇聯絡。」不過，她寸爆「新城嫂」葉熙祺借緋聞上位，言語間表現得相當不屑：「之前佢爆（同）祖名（傳緋聞）都多人識咗。我本身唔識佢，唔會妒忌，冇嬲佢話我垃圾，佢都係五十步笑百步，靠緋聞上位。」自言「冇咩Job」的仙樂都，昨日卻在微博大晒新工作，她寫道：「今日出完Event，上完泰文堂，終於可以鬆一鬆啦！」又上載與友人歎high tea的照片。