趙式芝一家四口 世紀合照
自從趙式芝（Gigi）公布與同性密友楊如芯（Sean）婚訊後，父親趙世曾怒極反對，並以五億招婿，令父女關係變僵，亦從不承認Sean的地位。昨日Gigi獲頒獎，難得邀得父母及「老婆」Sean同枱食飯，拍下「世紀合照」！雖然關係大進一步，但眾人難免不時面左左，傅明憲更暫當「擋箭牌」，夾在Sean與趙世曾之間。
昨日富商趙世曾女兒趙式芝獲頒發時尚專業女性獎，趙世曾當然到場支持愛女，更難得是與前妻姚煒及Gigi「老婆」楊如芯（Sean）世紀同場兼同枱，成為全場焦點！初時Gigi坐在父親與Sean中間，緩和氣氛，其後又找來好友傅明憲暫當「擋箭牌」，代她夾在Sean與趙世曾之間。Gigi領獎後坦言非常高興，身邊最重要及最愛的人齊齊見證此時刻。問Sean有否與趙世曾打招呼？她說：「有，（關係好轉？）差唔多啦。（安排飯局未？）未有實質計劃，OK啦，舊新聞嚟。（提出飯局？）睇番Sean心情。（爸爸有冇抗拒？）OK啦，適應咗。（成日見面？）香港咁細成日見到。」問到會否影「全家福」，她笑說：「睇吓啦！」
態度軟化：女大女世界
大會頒發獎項給Gigi後，趙世曾很快便離開，並透露趕到灣仔舉行的慈善球賽。對於有否與Sean打招呼，他表示：「冇comment，講唔掂。（第一次與Sean同枱？）你問Gigi，冇乜意見。（放下成見？）冇成見，係Gigi私生活。（唔反對？）不嬲冇反對Gigi私生活，選擇係點，做父母干涉唔到。」記者指Gigi也希望「一家四口」影相，趙世曾表示：「哈哈，咩一家四口啫？講笑咋嘛？（完成佢心願？）個女仲有大把時間，將來點冇人知，（保留佢結婚生仔可能？）我想佢結婚生仔，不過女大女世界！」態度明顯比之前軟化。
文：名人組