黃翠如速食兩盒飯
藝人的入行條件不離樣貌出眾、演戲好或口才了得，但其實他們每個人也身懷絕技，鮮為人所知，如近日以情侶檔出現的藝人洪永城和黃翠如，便各有所長，洪永城屬玩球能手，而翠如BB身材纖瘦，原來甚為食得，一餐可快速滅兩個飯盒。講到快手，貪靚的莊思敏則施展快速落妝的絕技。
黃翠如
「鬥快食飯我最叻，因為我食飯好快，我口大吖嘛！但未至於快到好似日本小林尊咁可以去參加比賽，但我都可以一餐食兩個飯盒，人哋食緊一盒飯我已經食完兩盒，好似唔使o趙咁，哈哈！」
楊洛婷
「我啱啱攞咗個最受歡迎司儀大獎，我諗我喺做司儀方面經驗最多，暫時呢方面最有信心！」
天梭錶「160周年環宇傲遊」展覽 開幕典禮：洪永城
「如果有三項鐵人球類比賽，我就會贏，因為我各樣球類都叻，依家包括埋游水和跑步，但我游水和跑步都唔叻。」
《時尚頒獎禮》：楊崢
「我最叻游水，尤其自由式，可以一口氣不停游1個鐘都得，自己勝在夠氣，其實我四式都得，但覺得自由式可以令自己線條好啲。另外，我忍肚餓都叻，試過去禁食營禁食4日都冇問題。」
《屯門V City》活動：莊思敏
「鬥快落妝啦，因為做嘢成日要化妝，做完嘢我好想快啲落妝瞓覺，同等塊面休息吓，已經練習到落妝又快又熟手，試過最快30秒內可以落晒成個妝。」
美容達人雨僑
「鬥黐雙眼皮膠紙比賽一定贏，因為我百黐百中，兩秒都唔使，因為我黐慣咗，黐咗5、6年，幫人黐就冇咁快，自己黐一定快過化妝師幫我，無人能敵。」