林穎彤食素養顏
年紀輕輕只得20歲的無綫小花林穎彤（Bella）一向愛以素顏示人，大把青春本錢的Bella表示，平日或與友人外出時亦甚少化妝。Bella笑說有不少友人表示，她沒有化妝或是化淡妝的樣子看起來更年輕，認真青春無敵。
雖然素顏的Bella依然煞食，但她坦言亦有皮膚困擾。她說：「我啲皮膚比較偏乾，而眼部嘅血液循環又唔係咁好，所以都有黑眼圈。」雖然遮黑眼圈是Bella很重要的化妝步驟，但她透露，唇膏更不可缺少：「我鍾意搽比較紅嘅唇膏，個樣望落會精神啲，對人都係一種禮貌。」而Bella深明化妝仍是治標不治本的方法，早已養成良好的飲食習慣，她說：「近一年嚟都係食素，而且每朝都會飲一杯蜜糖水，滋潤一吓腸胃之餘皮膚亦會好啲。依家皮膚比一年前明亮，黑眼圈都冇咁深！」