莊思敏:揀男友要亁淨
周秀娜舊愛陳偉成（Avis）最近緋聞多多，被女歌手蕊蕊自爆曾有一段情後，前晚高調澄清其實是跟𡃁模尹蓁晞（Yumi）拍拖，另有傳蕊蕊與主持金剛撻着，而蕊蕊及Yumi原來是同居室友，關係七國咁亂！昨日他們在網上抒發感受，Avis在微博上載與Yumi的合照晒恩愛，並說：「事情告一斷（段）落，不想那麼煩，新生活要好好過，請祝福我吧！」Yumi表示不需理會其他人說甚麼，指自己很幸福。輸家蕊蕊則寫道：「沉默是金。」
Dominic斥蕊蕊抽水
莊思敏昨日到深水埗宣傳電影《第一次不是你》時被問到Avis的緋聞，她表示與娜姐較熟，舊愛吳浩康則是Avis波友，但不知他是否花弗：「唔太熟，但祝福佢同Yumi拍拖開心。（Yumi同蕊蕊一齊住！）咁奇怪？真係佢哋先知咩事喇！（你揀男友要緋聞少？）係！要夠乾淨，如果拍拍吓拖，突然有個女仔走出嚟話係佢女友都幾驚！」而同場的何浩文（Dominic）則直斥蕊蕊抽水，力撐Avis單純不花弗：「佢好易信人，唔信佢係傳聞中咁差。（知佢同Yumi拍拖？）唔知，我哋比較少講感情事，但相信唔涉及第三者。」
另外，莊思敏與緋聞導演男友葉念琛懶理緋聞合照，女方再強調只是朋友關係：「首映當日我出席唔到，所以之前請佢食飯賠罪。」蔣家旻（Angel）與男模馬志威（Edward）首次拍電影即擔正，Angel希望兩人可組情侶檔。
文：影視組