「無綫咪神」高海寧昨日以泳衣打底的透視造型，到屯門黃金泳灘出席大學生沙灘排球比賽。她笑言衣着不密實，對上一次泳裝騷已是兩年前。問會否向無綫反映安排她演出類似《衝上雲霄Ⅱ》的泳裝戲份？她說：「唔會刻意叫公司安排，一切視乎劇情需要，場戲喺泳池邊，冇理由着潛水衣，係咪？但亦冇理由着住套泳衣通街行。」
