鄧紫棋生日冇膽過台灣

鄧紫棋（G.E.M.）前日22歲生辰，昨日在屯門V city舉行簽唱會，現場歌迷大唱生日歌為壽星女補祝生日。至於生日如何度過？G.E.M.表示獨自在家中練歌及和教友慶祝。男友林宥嘉可是教友之一？G.E.M.笑言：「我唔知佢咩教！（有冇嚟香港？）打風呀，亂晒，吹咗去第二度，搞到飛唔到。（收咗佢禮物未？）生日卡就好多。（戒指呢？）冇咁嚴重，戒指自己買啦。（佢將自己送畀你？）都唔知點答添。」問到G.E.M.是否早已飛到台灣慶祝時，她坦言：「今日（昨日）要做嘢，唔夠膽博啦！我有責任心。」