(14)林思韻眼袋 媲美身材
二十位候選港姐昨日穿小背心作慈善義賣，連日四出宣傳的她們，見不少佳麗露出疲態，身材最勁的(14)林思韻更出現大眼袋，她承認近期工作忙，只睡了三個小時。
二十位香港小姐候選佳麗昨日出席《星光熠熠耀保良》慈善義賣活動，身穿小背心配短褲的她們將美好身形表露無遺。有料之人(9)劉溫馨、(14)林思韻和(20)陳偉琪最為「凸」出，陳偉琪與(17)陳凱琳俯身與嘉賓握手時不經意露出事業線，搶盡「峰」頭。
飲阿媽湯水補身
一眾佳麗連日來為決賽進行綵排兼出席公開活動，早前穿泳裝成焦點的林思韻昨日出現疲態兼有大眼袋，比其激凸身材更搶鏡。她說：「大眼袋係天生嘅，不過呢排工作係多咗啲。（工作好密？）我覺得係必須嘅，準決賽前畀觀眾認識佳麗多啲。冇辦法，每個佳麗都努力做緊同一件事，冇所謂。（有啲疲態喎。）尋晚綵排到十二點，今朝早起自己就瞓咗三個鐘。不過平時係有六至七個鐘瞓覺嘅，之後會多啲休息、飲阿媽湯水補吓，下次會醒神啲，唔好意思。」提到她穿小背心時身材出眾，她笑言：「係，緊咗少少。」
(15)蔡思貝有衝勁
大熱(15)蔡思貝亦坦言只瞓得四小時，她說：「都OK嘅，後生女嘛。聽聞今屆比過往佳麗已經舒服，不過呢三個月都預咗，食得鹹魚抵得渴，我都鍾意忙，令我更有衝勁。」對於被去年港姐三甲視為熱門人選，蔡思貝聞言驚喜得呆了數秒才說：「冇乜特別，其實係開心嘅，如果係親耳聽到會更真實。（有信心？）自信有嘅，但都要睇臨場發揮表現。」
(8)謝海珊亦現疲態，她稱有六小時睡眠，但因早上喝了咖啡致胃部不適：「唔使睇醫生，工作量至今都OK嘅。」
文：影視組