高鈞賢攬啜女優 高潮迭起

現年29歲的高鈞賢（Matthew），於2005年當選香港先生冠軍，入行八年事業發展平平，惟緋聞十分精彩，先後與港姐冠軍葉翠翠及徐子珊傳緋聞，年前在朋友介紹下結識了現年28歲的日本二線女星Haruka，但二人因分隔兩地戀情難以維繫，拍拖僅一個月便分手收場。

甩拖後的Matthew一度喜愛夜蒲，去年搭上從事保險的fans女友陳賽兒（Grace）後變得修心養性，惜今年2月又玩完。前晚記者發現Matthew與好友蔡淇俊結伴到中環夜蒲，同場有不少男女友人，但Matthew與一名操日語的短裙女全程黐到實，原來此女正是他的前度日本女友Haruka。

高鈞賢

胸前熊抱

熊抱觸胸

幾杯到肚的Matthew愈玩愈放，玩到「慶」起，加上兩人久別重逢，更當着蔡淇俊面前與Haruka攬啜，蔡淇俊亦覺眼冤，冇癮扁嘴自己行開。而高鈞賢懶理老友，繼續與女方攬攬錫錫，以雙手從後熊抱Haruka，手部亦觸及其胸部，但Haruka一臉受落，並將身軀壓在男方胸膛，Matthew情不自禁耷低頭錫她臉頰，Haruka即露出一雙「高潮眼」，繼而拗腰擰頭向Matthew索吻，兩人更熱情激咀。

拗腰攬啜	高潮盡現	嘟嘴索吻

期間場內有不少人認出Matthew並要求合照，他來者不拒。影完合照，Matthew與Haruka繼續纏綿，完全未有理會旁人。至凌晨2時半，眾人離開轉場到Volar狂歡，兩人刻意前後腳行，因當時正下着雨，Haruka更用外套笠頭尾隨。玩至凌晨4時，Matthew、Haruka手拖手步出，期間女方險些摔倒，Matthew即放慢腳步遷就，其後送完女方到蘭桂坊酒店後，便單拖搭的士閃人。

高鈞賢跟Haruka癡癡纏纏，在旁的電燈膽蔡淇俊一度冇癮扁嘴。

步出夜店，高鈞賢行前，刻意墮後的Haruka因下雨關係以衫笠頭。

認飲大咗

本報昨日就翻撻Haruka一事致電Matthew，他說：「我哋冇拍拖只係親密啲嘅朋友，近日佢返咗嚟香港，真係陪佢先去玩。（朋友攬晒錫晒？）係飲咗少少酒先會咁。（有冇機會發展？）其實當年佢離開都好唔捨得，有諗過發展，但佢係日本藝人，如果留得低就最好，但需要時間去考慮，可惜佢聽日（今日）就走。」

文、攝：追蹤組