郭秀雲賴警方累死豹貓
日前本報獨家報道於沙螺洞發現初生豹貓，可惜獲救後死去，有飼養豹貓的郭秀雲她坦言看到發現豹貓的報道後已主動聯絡愛護動物協會，希望可提供協助，她說：「我有豐富嘅養豹貓經驗，我諗住問吓佢哋需唔需要幫手，點知佢哋話隻貓已經死咗。」
郭秀雲稱市民發現初生豹貓後不應第一時間報警：「豹貓怕畀人騷擾，所以成日搬竇，但豹貓媽媽每次只可以搬一隻BB，所以大家見到初生豹貓時，可能豹貓媽媽去咗搬其他貓仔，市民應該每隔一兩個鐘頭番現場睇吓，如果隔咗好耐隻貓仲喺度，可能豹貓媽媽真係出咗事，咁先報警都未遲。」另她又質疑為何警方會將初生豹貓交予未有照顧豹貓經驗的愛護動物協會義工照顧。