Mikki被貓咪冧暈隨緣領養
名模姚書軼（Mikki）自兩隻愛犬離世後已沒再養寵物，早前她見朋友的貓兒很乖，加上貓不像狗「困身」，工作再忙也不需帶牠去散步，令她有衝動想養貓，她說：「朋友隻貓好冇性格，係人都黐，好好玩，依家又一個人住，都想養貓陪吓我，不過怕對貓毛敏感，又驚難湊，於是朋友借咗隻貓畀我養幾日試吓先，感受吓。」
數日後，Mikki即積極尋找合眼緣的貓兒，除了到愛護動物協會外，還專程到粉嶺一個領養場，她說：「我揀咗好耐都揀唔到，我想要啲貓好乖，但有好多都好好動，或者太有性格，我驚管理唔到。我唔心急，最重要揀到隻合眼緣嘅！好似揀男友咁，寧缺勿濫。」