Ella驚爆 遭連環摸pat
歌手周柏豪的弟弟前晚在港鐵伸張正義，嚴打偷拍狂，為被偷拍的無辜少女討回公道，不過，面對如此「不幸」並非人人都能冷靜處理，官恩娜及連詩雅原來都曾遭下「毒手」，無奈都沒有當場將「兇徒」繩之於法，後悔至今！
昨日周柏豪、官恩娜（Ella）、連詩雅（Shiga）同為《新城 EPS i DO Love Music音樂會》綵排，柏豪指細佬前晚在港鐵驚遇變態佬，即化身正義之士，當眾施展擒拿手將之制服及報警，柏豪說：「細佬話個偷拍狂先後影咗兩個女仔，當佢見到對方影嗰吓，就衝上前捉住佢，證據確鑿。」
後悔沒有捉疑人
在旁的Ella聽到柏豪之言，不禁勾起當年慘被連環抽水的「黑歷史」，Ella大呻：「幾年前喺港鐵入面畀人摸patpat，擰轉頭見到個廿幾歲嘅後生仔，一啲都唔似猥瑣佬。」未料，當Ella衝出車廂時卻被「梅開二度」，Ella當堂嚇到腦袋一片空白，勁後悔沒當場將疑人繩之以法。
連詩雅冇蝕「底」
同場的Shiga原來也曾遭「毒手」，她在商場行樓梯時，裙下春光被人「影」入眼簾，當時有女士即場大叫，被「篤爆」的兇徒即嚇到「走夾唔抖」，Shiga笑言：「好在我係打底王，冇蝕底咋，不過我都好嬲！」聽完二人的剖白，柏豪自爆曾出騷時被「摸勻」全身，他笑言：「上台嘅時候，上下前後都畀台下嘅人摸晒，但我唔想搞大件事囉。」
文：音樂組