張家輝嫌失禮 趕鼻鼾前輩離場
影帝張家輝主演的新片前晚舉行特別場，獲多位好友撐場，觀眾反應甚佳邊睇邊叫，完場時更拍掌三分鐘，但志偉離奇失蹤，家輝笑言因一位前輩鼻鼾聲太大，叫他走先！
由張家輝主演的電影《激戰》前晚在尖沙咀舉行特別場，家輝好友吳君如、陳可辛、邱淑貞與老公沈嘉偉、曾志偉、梁家輝夫婦、鍾鎮濤夫婦及杜德偉夫婦等專誠撐場，開場前他們在附近飯局，祝賀家輝憑該片在上海電影節獲影帝，其後才從秘密通道現身，雖然遲了一點，但無損觀眾熱情。完場後，全場大力拍掌約三分鐘以示讚賞！
君如唔buy張智霖
對於獲觀眾支持，家輝非常興奮：「今次專登約埋朋友同記者，分享我呢次不可能任務，見大家睇到我背後嘅毅力同恒心先係最開心，喺香港上映係最適合嘅地方！」
吳君如表示家輝努力不懈鍛煉體格，對她影響甚深，自己也展開體能訓練，目前一星期四天，她說：「我寧願被人笑瘦到似病，都好過肥，但我冇信心練到佢咁。」但提到另一型男「Cool魔」張智霖時，君如卻冷淡地說：「邊個係Cool魔？型同肌肉點比？」
另外，開場時志偉搞笑地跟觀眾說：「如果你哋唔喜歡可以隨時走。」豈料到散場時竟不見志偉影蹤，家輝即開玩笑說：「頭先有位老前輩喺途中發出鼻鼾聲，我覺得好失禮，所以叫佢走先。」
文：影視組