葉熙祺口窒揭關係 城城︰好Down
【張嘉敏深圳直擊】郭富城與熊黛林分手後，感情生活依然精彩，先後與苟芸慧以及內地o靚模葉熙祺傳緋聞，昨日葉熙祺被問到有關與城城的緋聞時，就不時支吾以對，欲言又止，答得似是而非。反而城城在另一活動決絕否認有新戀情，揚言單身！
早前被傳入住郭富城家並攻城30小時的葉熙祺，昨日到深圳以透視性感Look行騷，雖然她否認與城城拍拖，又稱認識對方已很久，但問到有傳日前她與母親來港，並獲城城款待到家中住宿，對此她口窒窒說：「冇，嗰日我去搵個朋友，唔知佢住嗰度。（你住城城隔籬？）其實係囉。（你住喺香港朋友度？）唔係話經常。（城城安排你住佢隔籬？）冇呀。」答案似是而非。她又否認母親見過城城，但家人都是城城粉絲。
今年47歲的城城比現年23歲的葉熙祺足足大一個double，如拍拖似「父女戀」，惟葉熙祺反而覺得男生成熟穩重更好，不像年輕人般不懂珍惜，似暗寸曾被她公開力數的緋聞男友房祖名。
再問她有否向城城催結婚？葉熙祺竟說：「唔知點答！」但承認很崇拜對方，至於是否同城城拍拖？她想一想才說：「冇，（點解要諗？）我發吽豆，我哋係朋友之間嗰種聯絡。」她又自爆在「攻城30小時」的報道出街後，有致電給城城：「佢都嚇一跳，（嚇一跳因為畀人發現？）唔係，（怕城城不承認女友身份？）你話以後？如果我未確定對方係愛我，唔會同佢一齊。（佢愛你但唔公開？）邊係啫，冇呢回事。」她自言自己這一生也沒可能做小三，對此很抗拒。
苟芸慧搬竇攻「城」
而城城昨出席海港城活動時，即被追問苟芸慧搬屋及他引薦葉熙祺拍戲等問題，有備而來的他即表示：「唔回應，難得自己呢段時間單身，以後唔會答工作以外嘅嘢。好Down。」另外，苟姑娘昨日否認有報道指她攻城失敗，原因是她把城城的訊息給別人看，她只承認由西環搬回將軍澳，但並非攻城失敗，只為了方便工作，笑言自己從沒攻城，只攻電視城。
文：名人組