鍾浠文染紅髮氹自己
鍾浠文昨以紅髮新造型擔任施華洛世奇首飾預展的模特兒，雖然紅髮只着重髮尾一小部分，但她在染髮前仍憂慮大家不接受：「前排心情好灰，因為cafe轉新產品，唔關財政問題，只係做生意後多嘢諗咗，想畀自己有新氣象，咪改變下形象，好在朋友都話好突破。」她說染髮前已知會公司，並向公司笑言只「放縱」一個月，但為免得失客戶，她隨身帶備可即時將頭髮噴黑的護髮用品，故不擔心影響工作。
對於內地女星張暖雅早前流出全裸照並辯稱為「藝術照」，鍾浠文說：「我喺大學係讀藝術，有全裸模特兒畀同學畫畫，嗰啲先係藝術。依家啲o靚模出寫真，唔知佢哋受乜嘢教育長大，我唔理解，佢哋嘅屋企人點會贊成佢哋做呢啲嘢，o靚模唔讀書，嘥晒最好嘅時間，扮EQ高，但其實IQ低咗。」