無綫藝人鍾嘉欣昨日接受電台訪問，感情事一向低調的她分享揀男友條件，直言要花長時間去觀察對方人品，又自爆曾遇人不淑：「有啲男仔唔到一年唔會『現形』，有啲初時好nice，慢慢發覺佢唔係想像中咁純，冇記者喺度佢可能好nice，但有記者就會好驚，即刻唔同你做朋友。」嘉欣又指她夢想中的婚禮在雪中舉行，皆因她鍾情冬天。
另外，忙於拍劇及籌備下個月演唱會的嘉欣，提及早年工作壓力大到崩潰：「當時好唔開心，拍劇時係一個喪屍、一個軀殼咁，可能係抑壓住思鄉同拍劇有壓力，之後返加拿大休息回來冇事。」
