舒淇送禮：畀張單嚟
舒淇和馮德倫這一對已是公開的秘密，昨日舒淇出席手錶活動，高調提醒男方生日時給她喜歡的手錶名單，她不介意饋贈；戀愛大過天的她又自言若有對象談戀愛就會退休，難怪近來的她都是養尊處優！
昨日舒淇以一身桃紅色tube dress裙子現身代言的手錶活動，她更戴上親自設計的「Amour」系列腕錶；她解釋「Amour」法文譯作「愛」，就好像拍拖時的心跳感覺，記者笑問她是否回想起拍拖時的心跳感覺？她笑說：「對住鍾意嘅人個心會卜卜跳，（最近有冇卜卜跳？）最近嘅對象係小朋友，我之前見過林熙蕾個女，佢電一電我，我個心就跳，（你契女？）佢唔係我契女，佢已經有契媽，我太遲報名。（有冇為男仔心跳？）呢排冇，太細個唔識放電，（成年男人呢？）成年人冇，呢排冇拍拖。」
拍拖會退休
談到馮德倫8月9日生日，她可會贈錶給他？舒淇笑說：「吓，我呢隻係女仔錶，（送其他？）佢要嘅話就send張單畀我，我同幾個女仔朋友都係咁，想要乜就畀張單嚟，希望收到嘅禮物係有用，唔會喺屋企放埋啲無謂嘢！」
近日有指內地影后周迅亦蜜運成功，問同屬黃金盛女的她可會心急？她即說：「我唔心急，身邊朋友比我急！其實係好矛盾，好多朋友成日叫我快啲拍拖，但我一拍拖就會退休，但佢哋又叫我唔好退休，咁想我點？所以呢啲嘢都係睇緣分，最緊要兩個人開心，順其自然！」問到可會介意另一半年紀比她小？舒淇謂開心最重要，又認為年紀不是問題，只要溝通到就沒有所謂。
文：名人組