關楚耀除剩底褲晒線條

歌手關楚耀（Kelvin）昨日於動漫展舉行簽名活動，正為個唱操fit的他很滿意自己身形：「我鍾意喺屋企除剩底褲欣賞線條。」提到張暖雅的裸照曝光，曾一齊拍電影的Kelvin大讚女方身材好：「可能佢鍾意影裸照，佢應該對自己身材好滿意先咁做，唔係人人夠膽，真係夠薑，勇氣可嘉！」問會否影裸照留念？他笑言：「露三點真係唔好搞！」他又慨嘆現時o靚模奇招百出博上位：「依家o靚模新聞已經蓋過所有，啲罵戰睇到我有少少驚！」