祖兒玩軒仔：可以扮番男人

軒仔昨日披上斗篷黑衣人裝出席《情軒英皇 強勢加盟》盛大記者會，電子傳媒高層、廣告商齊來到賀，英皇集團主席楊受成博士跟軒仔的契爺、契媽陳鼎禮夫婦同坐主家席，而霆鋒、祖兒以一哥一姐身份現身，英皇娛樂藝人管理總監霍汶希（Mani）送他一張椅，寓意致力為他打開內地巿場，當軒仔坐在椅上與她合照時，Mani笑彎腰說：「呢個Pose似曾相識。」Mani此言一出，即令現場記者聯想到當年「小甜甜」龔如心與陳振聰的一張「經典合照」。

否認取代古巨基

經常被取笑亂說話的祖兒先大讚軒仔是潛質歌手，之後即開口夾着脷說：「你依家可以扮番男人。」祖兒語出驚人笑爆全場，搞到性向成疑的軒仔尷尬笑說：「我唔介意驗明正身，我係男人。」隨即沒好氣說：「真係唔該晒。」事後軒仔笑言沒有介意，表示此乃同祖兒夾定的笑位。

霍汶希與軒仔這個甫士，令人聯想起龔如心與陳振聰的一張合照。	軒仔強勢加盟英皇，一哥謝霆鋒及一姐容祖兒亦抽空為師弟打氣。 （左起）：謝霆鋒、吳雨、張敬軒、容祖兒、霍汶希	楊受成歡迎軒仔加盟英皇大家庭。

軒仔大方透露以八位數跟英皇簽約六年，但就否認取代另一位「英皇」一哥古巨基，而戴墨鏡的霆鋒就即場轉身扮「小便」動作，重演當日與軒仔相識的經過，引得全場捧腹大笑。

Kenny唔想搶風頭

問到為何不邀請「密友」關智斌（Kenny）出席？軒仔說：「佢喺橫店拍緊劇，依家佢喺內地紅過我。（以後可以情侶檔？）睇劇本問Mani畀唔畀。」昨日記者致電Kenny，他笑言不想現身搶風頭，但若有機會見面，軒仔記謹要尊師重道叫他一聲「師兄」。

會上軒仔走到已冰釋前嫌的契爺、契媽身邊，軒仔說：「（不和）傳聞過咗去，佢兩個好緊張我嘅前途，之前因錄音室業務係有拗撬，我都好後悔。」他承認曾經道歉，並透露已用八位數買回契爺、契媽股份，將錄音室全資擁有。契媽對契仔加盟英皇感開心，她強調大家是一家人，陳太說：「大家溝通咗冇嘢，我哋有商有量。」

文：音樂組