范振鋒夥拍索模冇上報

藝人范振鋒前晚出席「龍發製藥」宣傳活動，受到老闆Humphrey熱情款待，原來范振鋒是新產品的代言人，之前劉丹與歐陽震華都有為該公司產品代言。范振鋒承認，今次簽約兩年，酬勞理想，最大得益是有護肝產品贊助。他說：「以前後生，入娛樂圈有唔少應酬，難免要飲酒，我最高峰期一晚飲一支威士忌，結咗婚，有家室，就有責任，依家我每日都飲係一支，不過係健康飲品一支啫。」范振鋒表示已經拍了廣告片，老闆有心關照，用6位靚女模特兒拍他，雖然大家全無身體接觸，為怕老婆不開心，不敢上報，未料老婆看到電話內相片追問起來，他惟有說：「你都冇問。」令老婆無言以對。