吳千語捨男友迷古仔
十年後再拍《衝上雲宵II》，觀眾像中了「劇」毒，成為近年經典劇集之一。其實不少藝人也是煲劇一族，連樂壇天后容祖兒也不例外，迷上《大時代》中的劉青雲，直言無人能取代；而林峯女友吳千語，心目中經典劇是林峯有份主演的《尋秦記》，但自爆欣賞同劇另一演員古天樂！
周柏豪：「我揀《創世紀》嘅秦沛，我好鍾意佢，好有安全感同爸爸感覺。《真情》都好鍾意，有成千集，我由細睇到大。」
徐子珊 ：「心目中最經典嘅角色係翁美玲喺《天師執位》裏面嘅角色，覺得翁美玲好靚，首主題歌又好好聽。」
名模Mandy Lieu ：「我鍾意睇劇集《創世紀》，羅嘉良做得好出色，而且劇情好緊湊。」
吳千語 ：「我喺小學一年級時睇過《尋秦記》，係我第一套睇晒嘅劇集，最深刻角色係古天樂，佢好搞笑，好幽默。」
黃宗澤：「覺得《衝上雲霄》最經典，Sam哥（吳鎮宇飾演）個角色已經成十年，到《衝上雲霄II》，都仲係咁受歡迎，好犀利。」
徐濠縈：「秋官鄭少秋飾演過嘅好多角色都好經典難忘，令我印象好深刻，仲有萬梓良喺《流氓大亨》飾演嘅角色。」
容祖兒：「《大時代》嘅方展博（劉青雲飾演）真係做得好好，係無可取代嘅經典，奠定咗佢喺我心目中永遠嘅最佳男主角地位。」
張燊悅：「苗僑偉同翁美玲喺《天師執位》同周星馳同羅慧娟喺《蓋世豪俠》嘅角色，兩Pair都係鬥氣冤家，但又有感情線，關係好微妙好得意。」