LuLu唔怕蝕動漫節谷過
為期七日的書展昨日閉幕，今年書展被o靚模以「漏M」、「飛釘」、「心口食乳酪」等奇招成功「騎劫」，但論到銷量，則不敵萬千寵愛的「忌廉哥」！昨日埋單截數，城中名貓「忌廉哥」的新書在7日內售出逾9800本，舊作亦再賣出約4000本，撼贏o靚模。
反觀一眾o靚模生意慘淡，銷量最好的組合Donut亦只能賣出過千本，「漏M女」孫旗、黃榕等則售出約500本，銷量排第尾的FFx更只賣出幾十本，蝕到入肉！反而明星出書，如朱茵、楊愛瑾、傅穎等人亦賣出約2000、3000本，但書商就未肯透露被「劉老闆」掃清光的三名「肌男」寫真銷量。
JuJu露Bra邊搶鏡
昨日仍有o靚模在書展作最後衝刺，日前才推出寫真的王璐瑤（LuLu）表示會在動漫節繼續谷書，故只賣出約300本寫真的她不擔心銷量。剛落機返港的陳鈺芸（JuJu）則以低胸裙露出喱士Bra邊搶鏡，她解釋：「落機先知成個行李唔見咗，唯有叫同事借衫畀我。今次代表香港出賽跆拳道比賽16強止步，成績算唔錯！」洪詠霖就指要請工作人員食飯：「除咗書展，仲有好多私人訂單，買咗支香檳慶祝。」
文：音樂組