陳豪聞氹掂外父：Yes

剛補擺喜酒的陳豪昨日凌晨近5時，隻身從多倫多返港，身穿白Tee戴賊仔帽的他，甫現身即笑笑口向傳媒表示心情「very good」兼「唔攰」。提到「女王」陳茵媺（Aimee）留在多倫多安胎，問到會否捨不得嬌妻？阿Mo聞言即冧爆甜笑。是否因「豪宅」裝修中而不返港？他繼續笑住擰頭示意不答。不過，對於早前《好報》踢爆Aimee父親陳炎森，因愛女「未結婚，先懷孕」而有微言，最後阿Mo以誠意及500萬禮金，成功氹掂外父大讚他100分好女婿，問是否深得外父愛錫？阿Mo即「開金口」否認購入Richmond Hill六千呎大屋，並賣口乖說：「Yes！問得好呀！其實外父自己住咗（Richmond Hill）好耐。」

BB未改名

有傳Aimee將於8月返港產子，阿Mo又再賣關子：「遲啲話你知。（仔定女？）未知。（陪睇醫生？）冇喎！（睇咗報告？）Not yet。（四個月大應該講得？）大家都知道，但細節我唔想講。（幾時講得？）遲啲啦。」他又表示BB未改名，當問到英文名是否以咖啡命名時，阿Mo即放聲笑到肚孿，更透露正着手添置BB用品。日前「雙陳」被網友撞破於Yorkdale Mall買BB衫，是否主攻粉藍色給「囝囝」，他又故作神秘表示不知道，但承認有買些少BB衫。最後，獲家人專程駕車來接機的阿Mo，登上白色私家車後便離去。

陳茵媺父親

「雙陳」補擺喜酒後，陳茵媺則留在多倫多安胎。

文：影視組