丘凱敏嘆o靚模有傷風化
書展開鑼，連日來除了令人關注的o靚模寫真外，今年不少名人明星都有推出新書，主持丘凱敏昨日亦為新書作宣傳，她說：「我本書係教人化妝，有真人示範，所以成本都幾高，投資咗五位數字，收益會捐作慈善用途，唔知會唔會有劉生幫手買書呢？」對於o靚模為谷寫真而各出奇謀？她聽罷即唉聲嘆氣說：「依家啲o靚模已經唔可以用o靚模嚟形容，冇美感冇底線，效果唔好有傷風化，我覺得已經過咗二級半，接近三級；我唔知啲男仔點睇？但一定唔係靚到暈，唔會再跑出另一個周秀娜o架喇！」
而女星衛詩雅就特別前來撐場，她透露自己也有新書推出：「我嗰本係珠寶鑑證嘅書，因為我入行前有鑽石鑑證牌，所以啲男人呃唔到我！」