Sin@Super Gear美容達人愛share
女子組合Super Gear成員Sin（金子珺）在隊中以眼大見稱，素顏之下的Sin樣貌跟平時化妝並冇太大差別，極其量只是有少許黑眼圈，臉上毛孔更細到要用放大鏡先睇到，令人非常羨慕！原來Sin平時保養功夫做到足，更特別着重眼部護理，她說：「平時我一得閒就會敷眼mask，因為我有鼻敏感，血液循環得唔係咁好，好容易有黑眼圈。」
另外，Sin自爆是隊中的「美容達人」，專門負責將最新的美容資訊傳達給隊員，她說：「我平時好鍾意睇美容雜誌，留意最新嘅美容同化妝品，有時我仲會買我覺得好用嘅面膜，分畀Super Gear成員，正所謂有好嘢梗係要同好姊妹分享啦！」