張暖雅認老遭公司打壓

張暖雅前晚性感現身書展，力撐一同演出過電影《一路向西》的內地女星莫綺雯，不過穿上桃紅色低胸裙的暖雅卻衣不稱身離罩，露出內裏的黑色胸圍，還不時俯身為粉絲簽名。

捐二萬元「紫藤」

談到一眾嫩模於書展為博出位各出奇招，暖雅不諱言自愧不如，她謂：「香港女仔好搏，我兩個真係冇辦法，冇人哋咁多招。（點睇「漏M女」行為？）可能我老，真係好誇張，所以要用其他辦法，就係將賣出嘅寫真集啲錢捐出嚟，呢張2萬蚊支票係畀紫藤做慈善，呢個機構係關懷性工作者。」

張暖雅（左）與莫綺雯異口同聲唔夠嫩模多奇招。

李曼筠隔空暗寸死敵張暖雅整容。

談到日前於微博上載哭泣相，暖雅表示近日受工作困擾，與公司方向不一，又受了不公平待遇，結果雙方花了3小時談解約。她謂：「工作都係自己接，但到最後有人為溝女，將我嘅工作畀咗第二個，呢年我幫公司賺咗7位數字添，好在都唔使賠錢。不過言語上都覺得我唔靚同年紀大，既然自己公司都唔欣賞旗下藝人，再努力都冇用。」

對於暖雅指被公司不公平待遇，其公司發言人昨日接受訪問時，坦言鑑於對方工作態度及私人事出現嚴重問題，雙方已於幾星期前解約，不過其合約至本月底才正式結束。

李曼筠寸追求尖面

提到暖雅踢爆有人溝女，發言人謂：「絕對冇呢件事，清者自清，我都畀人投訴偏心佢，連李蘊都不滿，如果佢再對公司有誹謗言論，會保留法律追究權利。」

此外，李曼筠昨日出席新書發布會時，揶揄傳不和的暖雅追求尖面，更說：「人哋可能追求靚，欲望係無止境。（佢鍾意整容？）同佢唔熟唔知。」

文：影視組