朱茵恨再造新生命
朱茵昨到書展宣傳以女兒「叉燒包」黃鶯為題材的新書，問老公黃貫中（Paul）及女兒為何沒撐場？朱茵說：「咁大場面，囡囡得九個月，Paul捱完通宵，佢有打電話支持我，我出門口都啜咗個女好大啖！」提到書中收錄不少一家三口照片，朱茵笑言年紀愈大，很多事都會忘記，希望出書紀錄難忘時刻，尤其女兒得來不易。
對於被拍得肚凸凸睇婦科，朱茵否認有喜，但笑認歡迎再做媽咪：「有新生命我都好歡迎，但想復工先。（點解睇婦科？）冇咩特別，可能傳媒朋友影唔到我第一次大肚，想影第二次，依家專心湊女先，幫唔幫個女搵伴就隨緣。」