任達華焗做收數佬
任達華、惠英紅、文詠珊、Shine以及林雪等日前於大埔工業村拍攝新片《那夜凌晨，我坐上了旺角開往大埔的紅van》煞科戲，由於劇情需要，眾人於悶熱天氣下，穿上密不透風的保護衣在一架無冷氣、爛小巴上拍戲，實行集體「焗桑拿」！個個都焗到汗如雨下，每完成一個鏡頭，都要急急除口罩透氣！
不過一向捱慣的任達華，則直言當晚非「辛苦之最」，他謂：「之前曾經試過喺卅四、五度天氣下拍類似呢場戲，真係拍到嘔，返屋企要沖幾次涼降溫，不過因為呢套戲我做收數佬，幾搞笑，個劇本觀眾都應該會喜歡，辛苦都無所謂！」
視察英國森林
另外，任達華直言完成手頭工作，便會與太太琦琦、女兒去旅行，他謂：「應該會去英國、維也納，維也納有物業喺嗰度，久唔久我哋都會返去住吓，順道會去睇吓英國有無一啲森林，可以畀我執導嘅下一部戲去取景。」
文：影視組