吳卓羲溝杏兒怕鎮宇呷醋

吳卓羲於《衝上雲霄Ⅱ》與吳鎮宇再次飾演兩兄弟，雖然加插不少新角色，但卓羲依然飾演Issac一角。上一輯杏兒飾演的Zoe乃鎮宇情人，今次卓羲則與杏兒飾情侶，他坦言：「角色起初都會講到唔知阿哥會唔會介意我同一個好似Zoe嘅女子一齊，大家都好驚阿哥會見到佢而憶起Zoe，不停用好多方法阻止兩人碰面。有場戲更講到我哋三個攤牌，原來阿哥一路都冇介意過。」

激情戲冇份

問與杏兒可有親熱戲？卓羲笑謂：「蜻蜓點水式都有，不過劇中嘅親熱戲交晒畀馬國明同Chilam（張智霖）。劇中Chilam經常飛女，我就要出面幫佢處理。（現實中你好擅長做呢啲嘢？）冇呀！都冇人叫我咁做。」

吳卓羲於《衝Ⅱ》與胡杏兒飾演一對，但未有過激的親熱場面。

吳鎮宇再演有型機師，Chok爆樣必定迷死粉絲。

卓羲於《衝Ⅱ》與杏兒、傅嘉莉發展三角戀，提到現實中有傳傅嘉莉亦很冧他，卓羲即謂：「我唔知喎！拍完我哋都只係喺工作上見過。（佢之前喺訪問中話發展中喎！）我問過佢，佢話記者歪曲事實。」

收視有信心

多年前的《衝》劇口碑甚佳，故觀眾對第二輯都會抱有很大期望，卓羲表示對收視信心十足。他謂：「呢套劇講十年都有人講，不停都會有人追問幾時拍續集。收視呢啲重擔，都係交番畀鎮宇同Chilam。講真，我抱樂觀態度，好有信心。」

文：影視組